තිරසර හෙටක් බිහිකිරීමට ශාස්ත්‍රීය දැනුමෙන් පමණක් නොව බහු විධ අධ්‍යාපන සංකල්ප පෙරදැරි කරගැනීම අවශ්‍යවේ.ජනතාවගේ අධ්‍යාපන අවශ්‍යතා සපුරා ලීම සදහා පාසල සංවර්ධනය කිරීමටත් ජනතාවගේ සමාජ සංස්තික,ආර්ථිකය හා ජීවනය ඵලදායී ලෙස වෙනස් කිරීමට හා සංවර්ධනය කිරීමට අප සියලු දෙනා කැප විය යුතුයි.එවිට ජනයාගේ අධ්‍යාපන අරමුණු ඉටුවේයැයි යන්න මාගේ හැගීමයි.

“ලක් මාතාවට දිගාමඩුල්ලෙන් ලෝ වටිනා දුවෙක් පුතෙක්”

අම්/ඩී.එස්.සේනානායක මධ්‍ය මහා විද්‍යාලය (ජාතික පාසල) ඉහත උදාර දැක්ම පෙරදැරි කරගෙන විවිධ ශක්තීන්ගෙන් පිරුණු විශාල දරු පිරිසක් ඉගෙනුම ලබන තෝතැන්නකි.

පසුගිය කාලය තුළ විද්‍යාලයේ අඛණ්ඩ ජයග්‍රහණ රැසක් පිටුපස වත්මන් විදුහල්පති, නියෝජ්‍ය විදුහල්පතිවරුන්,අධ්‍යන කාර්ය මණ්ඩලය,දරු දැරියන් හා අනධ්‍යන කාර්ය මණ්ඩලය ශක්තියක් වූ බව නොරහසකි.

විධිමත් අධ්‍යාපනය හා අවිධිමත් අධ්‍යාපනයදී,විෂය සමගාමී හා විෂය බාහිර ක්‍රියාකාරකම් යන අංශයන් ගෙන් සුවිශේෂී ජයග්‍රහන අත්කර ගැනීමට පරිපාලනයට ඔවුන් දක්වන නොසැලෙන සහයෝගය සහ එකතු කරන ලද සහයොගීතාවයට මාගේ හෘද්‍යාංගම ස්තූතිය පුද කරමි.